Útkall 18. júlí 2009
Um klukkan eitt í nótt voru björgunarsveitir frá Hellu, Hvolsvelli, Vík í Mýrdal og Kirkjubæjarklaustir kallaðar út til að leita að sex manna gönguhóp sem hafði ekki skilað sér í næturstað. Einnig voru Leitarhundar kallaðir út. Til leitar fóru frá Reykjavík 2 teymi.
Hópurinn hafði ætlað sér að ganga kringum Kálfafellsheiði og koma í Fossabrekku í gærkveldi. Þegar hópurinn hafði ekki skilað sér á tilsettum tíma og ekkert til þeirra sést voru björgunarsveitir kallaðar út. Björgunarsveitamenn frá Kyndli Kirkjubæjarklaustri fundu svo hópinn um fjögurleytið í nótt. Hópurinn hafði lent í svarta þoku og villst af leið. Ekkert amaði að göngufólkinu og aðstoðuðu björgunarsveitir hópinn við að komast aftur til byggða.