Leitarhundar

Helgina 21. – 23. ágúst s.l. var önnur úttekt Leitarhunda þetta sumarið.

Fór úttektin fram á Neskaupstað þar sem Gerpismenn tóku á móti okkur með glæsibrag. Æft var alla dagana þrjá og glæsileg útkallsæfing var sett upp á laugardagskvöldið. Þar var öllu kostað til þar sem lögreglan, svæðisstjórn, alheimsvinir, unglingadeild og björgunarsveitarmenn/konur frá Gerpi tóku þátt.

Leitarhundar vilja koma á framfæri þökkum til allra sem tóku þátt og gerðu þessa helgi að veruleika. Friðrik og fjölskylda fá sérstakar þakkir fyrir lánið á ættaróðalinu og móðir Friðriks fær einnig sérstakar þakkir fyrir eldamennsku á föstudagskvöldið.  „Týndir“ unglingar stóðu sig allir eins og hetjur og án þeirra hefði þetta ekki verið hægt.

Þau teymi sem hlutu gráðu eru:

Í heildina voru 15 teymi sem bæði æfðu og tóku próf. Leiðbeinendur og dómarar á námskeiðinu voru Valgeir Rúnarsson, Steinar Gunnarsson, Haraldur Ingólfsson og Stefán K. Guðjónsson. Leiðbeinandanemi var Sara Ómarsdóttir.

Fyrir hönd stjórnar þakka ég kærlega fyrir frábært námskeið sem var í alla staði óaðfinnanlegt (ef ekki er tekið með að undirrituð fékk ekki kjöt á laugardaginn;)

Sjáumst hress í október.
Sara Ómarsdóttir