Haldin var æfing fyrir útkallshunda og verðandi útkallshunda í dag, sunnudaginn 19. júlí, í Bláfjöllum. Æfingin var skipulögð og boðuð með stuttum fyrirvara og var því fámennt en góðmennt á æfingunni. Veður var gott í Bláfjöllum skýjað, létt gola og mjög heitt.
Fengnir voru tveir aðstoðarmenn frá Björgunarsveit Hafnarfjarðar til að fela sig þeir Biggi og Gummi, auk þess sem Doddi c-hundamaður sýndi felutakta með stæl. Mættu þeir snemma eða um kl. 10 í Bláfjöllum og lögðu sig út fyrir hundamenn skv. óskum Valla sem stýrði uppsetningu æfingarinnar.
Leit hófst rúmlega 11 og fór einn hundur í einu í svæðið, Kútur og Kristín, Svunki og Stebbi, Hugi og Teddi. Leit A hundamanna tók um 1 og 1/2 klst en svæðið var síðan minnkað fyrir verðandi B hundinn Huga sem tók klukkustundar langa leit.
