Leitarhundar

Kallað var til leitar í Esjunni í gærkvöldi. Útkall barst rétt fyrir kl. 20. Leitað var að manni sem villst hafði uppi á Esjunni í þoku.
 
3 hundateymi frá Leitarhundum, Kristín, Áslaug og Sara, fóru til leitar ásamt bílstjóranum Valla og aðstoðarmanninum Tedda.
 
Hundarnir voru ýmist ferjaðir með jeppum eða fjórhjólum áleiðis upp Esjuna. Teymin gengu síðan upp Gunnlaugsskarð. Þegar fyrstu teymin voru að verða komin upp skarðið kom þyrlan til leitar og staðsetti manninn innan skamms tíma. Teymin sneru við um kl. hálftólf þegar staðfest var að björgunarmenn væru komnir til hins týnda. Útkallinu lauk þegar teymin voru komin niður og búin að skrá sig af svæði um kl. 00:30.
 
Gott samstarf var við Björgunarsveitina Kyndil og Björgunarsveit Hafnarfjarðar sem ferjuðu hundateymin á fjórhjólunum upp að Gunnlaugsskarði.