Leitarhundar

Laugavegsganga HRFÍ verður laugardaginn 22. október nk kl 13:00. Gengið verður frá Hlemm, niður Laugaveginn og endar gangan í Hljómskálagarðinum þar sem Vinnuhundadeild og Íþróttadeild verða með skemmtiatriði. Skólahljómsveit Kópavogs mun slá taktinn og leiða gönguna eins og fyrri ár. Laugavegsgangan er kjörið tækifæri fyrir okkur, ábyrga hundeigendur, til að sýna almenningi hvað ábyrgt og gott hundahald gengur út á. Í ljósi neikvæðrar umræðu undanfarið í garð hundeigenda er um að gera að nýta þetta tækifæri til að koma því jákvæða á framfæri. Við hvetjum til þess að deildir hópi sig saman með sömu hundategundir. Ágúst Ágústsson mun útvega skilti með nöfnum tegundanna ef fólk vill. Vinsamlegast tilkynnið með tölvupósti á dranga@simnet.is ef þið viljið nota skiltin í síðasta lagi föstudaginn 21. október. Stöndum saman og komum ábyrgu hundahaldi á framfæri í eitt skipti fyrir öll! Kveðja,Viðburða- og skemmtinefnd HRFÍ.